22/04/2018

2º FASE DO RETO DE LEOTECA.



Parabens aos que acertastes a pregunta da semana pasada do Reto de Leoteca. En educación infantil hai catro iconos diferentes. Algúns puxestes sete, pero non é correcto porque había que mirar os que eran DIFERENTES, non contalos todos.

Esta semana a pregunta do reto é a seginte.
QUE ESTÁ LENDO O ESQUELETO NA PORTADA DO LIBRO " O ESQUELETO"? Unha pista... en vermello tedes que atopar a SIGNATURA 82-34 LLU esq. Moito ánimo e a buscar!!

16/04/2018

O RETO DE LEOTECA

Boas, este ano Leoteca quere comprobar se sabemos desenvolverse no seu blogue e na biblioteca, para iso vaivos propoñer neste trimestre unha serie de preguntas. A POLA PRIMEIRA:

CANTOS ICONOS DIFERENTES HAI PARA CATALOGAR OS ICONOS DE INFANTIL?
Tedes ata o 19 de abril para contestar e meter o carnet na caixa do reto de Leoteca.

14/04/2018

Homenaxe a Manuel María




 Este ano homenaxeouse desde a Casa Museo de Manuel María o 50 aniversario da primeira edición do libro Os soños na gaiola. O acto tivo lugar no Pazo da Cultura de Carballo e participaron distintos centros. Os nosos nenos de 3º e 5º, puxeron o seu graíño de area, recitando os seus poemas, ilustrándoos e ata elaborando algúns carros.



Canción Galiza- Suso Vaamonde
 

13/04/2018

Intercambio de experiencias co CPI Alcalde Xosé Pichel

A finais do mes de marzo o alumnado de 6º de EP do noso centro compartiu unha xornada moi especial co alumnado de 6º de EP do CPI Acalde Xosé Pichel. Esta actividade estivo dividida en dúas partes: a primeira parte foi un encontro deportivo no que os nenos e nenas puideron participar de diferentes xogos. A segunda parte consistiu nunha visita a súa biblioteca. Explicáronnos un pouquiño o funcionamento da mesma e representaron un contacontos moi divertido para nós!
Queremos agradecer ás nenas e nenos do CPI Alcalde Xosé Pichel a súa invitación e o gran acollemento que nos fixeron . Como xa sabedes estades convidados neste terceiro trimestre a vir ao noso centro  para levar a cabo outro intercambio deportivo e para coñecer Leoteca. Tamén teremos preparada algunha sorpresiña!
No seguinte vídeo está reflexada a xornada, ata proto!


11/04/2018

VAI DE ESCORNABOT



Leoteca está encantada porque ten novos paneis de escornabot para xogar. Mari , mestra de 3 anos, e Elena, mestra de inglés, realizaron uns paneis fantásticos. Este panel foi  feito integramente por alumnos voluntarios de 5º e 6º.  Ademais, fixeron unha videoconferencia con Barrionovo, e compartiron os seus materiais.
No primeiro tes que  coller unha carta da baralla e levar o escornabot ata esa personaxe mitolóxica.








 No seguinte vídeo algunhas nenas de 6º explican aos nenos de Barrionovo como o escornabot pode saír do  laberinto.

















Os nenos de 3º tamén realizaron un taboleiro escornabot onde tiñan que levar a personaxe mitolóxica ao seu fogar.





25/03/2018

Vai de signos




Existen moitas lendas e mitos entorno as constelacións e os signos do zodiaco. Este ano estámolas a estudiar no PDI Lendario. Coa impresora 3 D realizamos , para cada neno, un colgante co seu signo de zodiaco.


O MEU SIGNO DO ZODIACO

23/03/2018

A galiña e os pitos




Cóntase que o día de San Xoán, antes de raiar o sol, anda unha galiña con pitos de arredor destas pedras.

Unha señora da zona comentou o seguinte: “ Para ir ao muíño eu tiña que pasar por estas pedras, e díxenlle a miña nai que o día de San Xoán,  ben cedo, me mandara á aceña  moer o millo,  para poder ver a galiña. Fun, pero non a vin”.
Esa galiña veu a biblioteca, e deixou ovos espallados. Menos mal que se atoparon todos. Ademais realizamos a galiña coa impresora 3D.

                                                          

SEMANA DA POESÍA


  Esta semana celebramos na biblioteca a semana da poesía. Antonio García Teijeiro foi o inventado de honor. Grazas por navegar polo mar dos nosos soños!

As fadas tamén visitaron a biblioteca e axudámoslle a escribir unhas poesías en follas. Para rematar, no recuncho Einsten apareceu unha flor e, coa axuda do microescopio, tiñamos que investigar se desa flor nacería unha fada, ademais de intentar recoñecer as partes dunha flor. 

NAVEGAMOS POLO MAR DOS SOÑOS CON TEIJEIRO

22/03/2018

Saída de lenda pola contorna.


 A pedra da Arca, San Hadrián, O Monte Neme... son lugares que esconden  lendas verdadeiramente fascinantes. Despois de traballalas nas aulas, de localizalas e buscalas no google maps, de contar as lendas na radio... decidimos visitar eses lugares... e que sorpresa levamos!! Alí estaban as meigas coma se da véspera de San Xoán se tratase. Grazas meigas por estar alí!
Tamén lle debemos estar moi agradecidos  a Xan e Evaristo, verdadeiros expertos da zona, que fixeron de guías!


VIDEO SAÍDA POLA CONTORNA

16/03/2018

OS ESCORNABOTS NUN CONCURSO DA ONCE!

Os alumnos/as de 6º de primaria, na materia de valores sociais e cívicos participaron no 34 Concurso da ONCE: "Reinvetemos xunt@s unha escola para tod@s". O obxectivo era elaborar un cartel para traballar a inclusión na escola de todo o alumnado. Est@s sete alumn@s decidiron elaborar un taboeiro de escornabot a modo de cartel no que crearon un xogo con palabras relacionadas coa igualdade. A continuación podedes ver unha explicación de dúas das alumnas que formaron parte deste traballo. Dentro duns días o taboleiro estará dispoñible para xogar no recuncho de "Feito con xeito" da nosa Leoteca.Dentro duns días tamén colgaremos no noso canal de "Canosa Onda" uha entrevista ao alumnado participante . Esperamos que tod@s sigamos disfrutando moito cos escornabots.



Related Posts Plugin for WordPress, Blogger...